Aizawl : Mizo Academy of Letters (MAL)-in nikum chhunga Mizo tawnga lehkhabu chhuak tha bera a thlan ‘Daidanna Bang Phena Thuruk’ ziaktu Dr. Zohmangaihi hnenah nimin khan Book of the Year 2022 chawimawina a hlan.
Book of the Year, 2022 chawimawina hi MAL din champha puala inkhawm, Central YMA hall, Aizawla neiah a dawng tura thlan Dr. Zohmangaihi hnenah Art & Culture Minister R. Lalzirliana’n a hlan a. He chawimawina hian thuchei (citation) bakah Rs. 10000 a keng tel a ni.
Book of the year thlangtu committee secretary Dr. C. Lalawmpuia Vanchiau-in a sawi danin, nikum chhung khan Mizo tawng leh- khabu 203 a chhuak a, hmun thuma ṭhena hm- un khat aia tam chu Christian Literature a ni. Lehkhabu khâwnkh- awm zînga bu 5 chu Myanmar rama chhut leh chhuah a ni a, Tripura lam chhuak 2 a awm bawk.
Hêng lehkhabu atang hian lehkhabu 36 thlan chhuah a nih hnuah 20 thlan chhuah leh a ni a. A tha zual 10 thlan chhuah leh a nih hnuah a tha zual 10 atang hian a tha leh zual 3 thlan chhuah leh a ni a, a tha zual 3 atang chuan a tha ber thlan chhuah a ni ta a ni.