PC party President Vanlalruata’n Tlawng lui tui hmanga Aizawl chawmna Aiz0 awl greater water supply scheme (AGWSS) phase-2 atangin Tui- khuahtlang-a tui zemah darkar 24 chhûng tui supply reng a nih laiin, Aizawl veng hrang hranga PHE tui sem mumallo chu veiawm an tih thu a sawi.
Nimin khan PC President leh hruaitu dang ten Aizawl veng hrang hranga PHE tuisem mumal loh chhan te hriatchian tumin Aizawl AGWSS phase-2 an tlawh a. “Tlawng tui kang emaw a pump na khawl leh kawlphetha lamah emaw engmah buaina a awm lova, Tuikhuahtlang-a tuizemah darkar 24 chhûng tui supply reng a ni tih kan zuk hmu” an ti.
PC party chuan Tlawng lui pump kawnga harsatna a awm lo leh tui pump reng a ni chunga Aizawla PHE tui sem a mumal si lo chu “a semtute inthlahdah vang nge, a sem dân mumal loh vang nge a nih a, renchemna leh mipui venthawnna nei lova VIP ten an pumbilh vang zawk?” tih chu an zawhna a nih thu an sawi a. “Chhuanlam siam lova, a rang thei ang bera Aizawl leh a chhehvela chêng te hnenah a hun tak leh pangngai taka tui sem turin Mizoram sorkar kan ngen” an ti bawk.