Mapuia Memorial Mizoram Cricket League final a inkhel turte a hriat tawh a. Chanmarians Cricket Club hmaah 1st Division champion lai Ramhlun Veng Cricket Club an ding dawn.
Ningani khan Suaka Cricket Ground-ah Qualifier 2 khelh a ni a. Eliminator a chak RVL leh Qualifier 1 a tlawm Gorkha CC te an inkhel.
Gorkha in vaw hmasa in tun MCL a che tha Sahil Sharma chuan out lovin run 87 a siam a. Mizoram Under-25 batsman hian tournament chhungin run 350 a siam tling tawh. Tawnhriat nei tha Abhay-a’n run 52 a siam ve bawk.
RVL in chak turin 156 an siam a ngai.Mimal a che tha langsar zingah opener Reuben Lalhruaizela chuan ball 21 atang run 45 a siam a, midangin langsar tak ni si lova an thlawp that avangin over 19.5-ah run 158 an siam a. Wicket 9 hlohin wicket 1 in RVL hi an chak.
Final hi vawiinah Suaka Cricket Ground-ah an khel nghal ang.