Pink Flyod khaipa hlui Roger Waters chu Juda huatna a cheh thin vanga Frankfurk khawpuia concert khapsak a nih hnu-ah phalsakin a awm leh ta.
Ruahman dan chuan May 28 hian tualchhung mite enkawl Festhalle-ah show nei tur a ni a, Juda huatna lam hawi sawichhuah a chin vangin Frankfurt City Council chuan Israel hmakhua ngaiin, a tihtawpsak.
Hemi hnu hian Roger a lungawi lova, court-ah te kalin, a zualko ta zak zak mai a, City Council lamin ‘Khawvela Juda hawtu langsar ber paw’ tia a umzui leh tak bawk si vangin concert neih ngei tumin Dan hmangin a bei zui zel bawk. Concert an phalsak loh dan chu a lai tawk lova, ‘aw’ chhuah ve thei lo tura nawrchep tumnaah a puh bawk.
Tunah chuan Frankfurt administrative court chuan Roger vuivaina leh lungawi lohna thi thutlingah ngaiin, hun rei tak an khel hnuah show neih a phalsak ta a ni.