AZL: Mann ki Baat puala buatsaih National Conclave-a thusawitu zingah Save Chite Lui Coordination Committee General Secretary Rochamliana a tel.
Prime Minister Narendra Modi-an radio kaltlanga rampum huapa thu pawimawh hrang hrang a sawi thinna programme Mann ki Baat episode 100-na pualin National Conclave on Mann ki Baat@100 chu Ningani khan Vigyan Bhawan-ah Vice President Jagdeep Dhankhar-an a hawng a. He hunah hian I&B leh Sports Minister Anurag Singh Thakur leh I&B Minister of State Dr. L. Murugan ten Vice President hi an tawiawm.
Conclave-ah hian thusawitu zingah filmstar Aamir Khan te, IPS officer hlui Kiran Bedi te, Jamia Millia Islamia University VC Prof. Najma Akhtar te, filmstar Raveena Tandon te bakah Mizoram atangin Save Chite Lui Coordination Committee General Secretary Rochamliana pawh a tel a ni.
April 30 khian Mann ki Baat episode 100-na chu All India Radio (AIR) kaltlangin tihchhuah a ni ang.