Miami Heat in NBA chanchin a first round a beisei loh result lian ber zing ami an thlen tir. Kumin a champion tura rin hlawh tak, tun regular season a record nei tha ber Milwaukee Bucks chu overtime-ah 128-126 in an hneh.
Eastern Conference First round game 5 a an chak avangin Miami hian 4-1 in series an la a. Anni ang thova Cleveland Cavaliers laka rin hlawh lo zawk New York Knicks nen final luh an inchuh ang.
Game 5-ah Heat tan thiampuipa leh innghahna Jimmy Butler bawk a pawimawh. Game 4 a point 56 score a record siamtu hian point 42 a score bakah a team tana playmaker pawimawh a nihna a lantir.
Heat tan Gabe Vincent leh Bam Adebayo ten point 22 leh 20 an thawh a, center Adebayo hian rebound 10 leh assist 10 neiin a triple double hi a tangkai.
“Kan team hi kan tlo a, hun harsaah pawh kan tanrual tlat avangin zuam chi kan ni lo.” tiin Butler chuan a sawi.
Milwaukee tan Giannis Antetokounmpo chuan point 38 leh rebound 20 neiin Khris Middleton chuan point 33 a score.
Heat khingpui tur Knicks in 106-95 in Cleveland Cavaliers an hneh a. Anni pawhin 4-1 in series an la.
Knicks hian kum 23 chhunga a vawi hnih nan chauh NBA Playoffs first round an pel a. An tan Jalen Brunson chuan point 23 score in RJ Barrett chuan point 21 a score.
Team naupang Cavaliers tan hian Donovan Mitchell chuan point 28 a score ve thung.