Aizawl : Commerce & Industries Minister Dr. R. Lalthangliana’n nimin khan Myanmar ramri depa awm Zokh- awthar tlawhin, ramri kaltlanga insumdawn- tawnna chak zawka kal- pui tura hmalak mekna te a enfiah a, hmachhawp bawhzui dan tur a enfiah bawk.
Dr. R. Lalthangliana chuan International border trade tihchangtlun nan Rs. nuai 1,500 in Zokhawthar land custom station tihchangtlun hna kalpui mek a nih thu a sawi a. Ramria insumdawntawn kawngah mi- pui eizawnna tibuailo leh khaihlaklo tura hm- alak chu sorkar duhdan a nih thu sawiin, danin a phal te hmanga sumdawnna kalpui chu mipuite zawm tur leh mawhphurhna a nih thu a sawi.
India rama international border trade lian tham zawk kalpuina tur hmun 25 tunhnaia thlan chhuah zingah Zokha- wthar leh Zorinpui te thlan tel an nih avanga lawmawm a tih thu pawh Dr R Lalthang- liana chuan a sawi a. “Hengahte hian border trade tihhmasawnna tur project liantham zawk kalpui tum a ni”, a ti.
Health Minister ni bawk Dr R Lalthang- liana chuan hriselna kawnga hmalakna zingah Zokhawthar Health Sub-Centre pawh B.Sc Nursing thutchilh, Health & Wellness Centre-a hlankai a nih thu leh a hmunhmate pawh sakthat mek a nih thu a sawi a. Thawktu leh hmanraw pawimawh hrang hrangte nen thuamthat zel tum a nih thu sawiin, Zokhawthar khuaa zirna tha leh changtlung zawk mamawhna an lo thlente pawh a tul anga lo enzui a tum thu a sawi bawk.
Commerce & Industries Minister hi Minister of State, Champhai South bialtu MLA TJ. Lalnuntluanga pawhin tawiawmin, Rs. nuai 1,500 senga Zokhaw- thara Land custom station cheithat mek a nih chungchangah bialtu MLA a nihnain Commerce & Industries Minister chu lawmthu a hrilh a. Zokhawthar panna kawng chhia siamthat nan special assistance to state for capital investment (SASCI) sum Rs. nuai 1,350 dah a nih thu a sawi.
Zokhawthar Tiau luia Mizoram leh Myanmar inkalpawhna lei siamna tur project proposal pawh Rs. vbc 22.50 hu Mizoram PWD-in a siam tawh chu sorkar laipui Ministry of road transport & highways Minister Nitin Gadkari hnena thlen a nih thu leh document pawimawhte pawh pek a nih thu sawiin, beiseina sang tak an neih thu a sawi bawk a ni.