Aizawl : Chakma Autonomous District Council (CADC) inthlan lo awm tur buaipuitu tur – sector officer, presiding officer leh 1st polling officer tura ruatte tan Ningani leh nimin khan Govt Region HSS, Lawngtlaiah training buatsaih a ni.
CADC-ah hian MDC bial 20 awmin, polling station 70 a awm mek a. Polling station tinah PRO, 1st PO leh 2nd PO pakhat ṭheuh an awm tura ruahman a ni a. Polling station-te chu sector ṭhen hrang hrang 12 hnuaiah dahkhawm niin, sector officer pakhat ṭheuhvin an vil dawn a. A ṭul thulha koh theih tur reserve sector officer, PRO leh PO te ruat an ni bawk.
Ruahman lawk ang chuan May ni 6, 2023 ah Kamalanagar-I Public School, Chawngte ‘C’-ah PRO, 1st PO leh 2nd PO te tan final training buatsaih a ni ang.