A pianpui hming ‘Katie Perry’ hmanga thawmhnaw zuar thin Australian designer Katie Taylor chuan pop star Katy Perry-i’n a sumdawnna trademark anga a lo kalpui ve vanga a khinnaah hnehna a chang.
Zirtawpni khan judge chuan 2014 kuma Australian tour neih laia Katy-i’n thawmhnaw a zawrh chu Katie trademark a kalh tlat, a ti.
“Hmeichhe pahnih chanchin a ni a, hming pakhat leh tleirawl beiseina pahnih,” tia sawiin Justice Brigitte Markovic chuan Teenage Dream singer, a pianpui hming hmasa Katheryn Hudson hian rilru thianghlim tak pu chungin Katy Perry hming a pu mai chauh a ni a, designer lakah hian mimal taka zangnadawmna pek tur a nei lo, a ti bawk.
Hetih lai hian zaithiam Katy-i company Kitty Purry hian inkhin buaina kal zelah disigner lakah hian sum tam tham tak pek a ngai mai thei a, hemi chungchang hi thla thar lamah court-in a ngaihtuah ang.