Mizoramah Covid-19 kai thar hmuh belh zel an nih avangin Civil Hospital, Aizawl-ah Covid-19 Isolation ward siam thar a ni.
Ningani khan Covid-19 kai nia rinhlelh mi 13-te chu an sample endik a ni a, an zinga mi pathumin an kai tih hmuhchhuah a ni a. Hri kai hmuh tharte nen hian Mizoramah enkawl lai 43 an awm mek a, Aizawl district-a mi vek an ni.
Hri kai hmuhchhuah thar an awm tak zel avang hian Mizoram sorkar pawhin Covid-19 a darh zel loh nan ruahmanna thar a siam tan a. Mipui pan tam ber Civil Hospital, Aizawl Medical Superintendent chuan staff sick room chu Covid-19 isolation ward-ah a puang a, ICU a dah ngaite chu ZMC lamah refer tur a nih thu leh Covid-19 laka himna tura tih tur leh tih loh tur te tha taka zawm theuh tura hriattirna a tichhuak.