Villarreal in season tharah European football khelh ngei tumin ke an pen chhunzawm a. Espanyol lakah 4-2 a chakin La Liga-ah panganaah an inhlangkai.
Ningani zanah El Madrigal-ah Yellow Submarines in an Catalan mikhualte lakah goal an chhuah hmasa a. Halftime dawnah Javier Puado chuan goal a khung.
Mahse second half-ah Villarreal in midfielder Étienne Capoue hmanga an si phurh sutin Dani Parejo chuan a khung belh bawk a. Striker Nicolas Jackson-a’n an goal thumna a khung hnuah Capoue bawkin a khung leh a. Espanyol tan an top scorer ni lai Joselu chuan 2-2 nih tir mahse a tawp an tang tluan thei lo.
Inkhel dangah Valencia in relegation zone chhuahsan turin 2-1 in Real Valladolid an hneh.
Mestalla Stadium a inkhelah hian Valladolid tan striker Cyle Larin chuan goal khung hma viau mahse second half-ah Mouctar Diakhaby chuan a sut hnuah rawlthar kum 19 mi midfielder Javi Guerra chuan Los Che chakna goal a khung.
Hetihlai hian season hautak hmang Sevilla in insiamthat lam pan zelin Athletic Club chu 1-0 in an hneh ve bawk.
Sevilla tan hian Lucas Ocampos chuan huntawp dawnah penalty atangin goal awmchhun a khung.