Chanmarians Cricket Club in Mapuia Memorial Mizoram Cricket League 2023-ah hneh loh nei lovin inelna an hmachhawn tluan a. Final-ah Ramhlun Venglai Cricket Club chu wicket 5 a hnehin an champion.
Zirtawpni a Suaka Cricket Ground a final-ah hian Chanmarians in chak turin over 20 chhunga run 117 siam an mamawh.
Chanmarians tan out lova run 36 siam B. Lalnunfela a pawimawh a, Hruaizela leh Biakfela ten run 24 ve ve an thawh bawk.
Over hnuhnung berah Chanmarians in chak turin run 6 siam an la mamawh. Ball thumnaah Saidingliana Sailo chuan 6 runs vua in a team a chakpui.
RVL tan Ahmaa Ralte che tha in out lovin run 70 a siam a, mahse thlawptu a nei tha tawk lo.
Chanmarians bowler Lalhriatrenga chuan wicket thum a la a, over li a vawm chhungin run pek miah lohna over khat a nei bawk.
Chanmarians hi kuminah MCL khel tura cheng nuai 5 a team slot leitu an ni a. Tun tum hi MCL a an champion vawi thumna a ni.
MCL 2023
Final
Chanmarians CC vs Ramhlun Venglai CC
All Suaka ground, Sihhmui, Aizawl, 20 Ov., Limited Overs, 28-Apr-23
Toss: Ramhlun Venglai Cricket Club in vuak an thlang
Ramhlun Venglai Cricket Club 116/7(20.0 Ov)
Ahmaa Ralte 70*(52)
Joseph Lalthankhuma 22(34)
Lalhriatrenga 3/12(4)
Lalnunkima Varte 1/20(4)
Chanmarians Cricket Club 119/5(19.3 Ov)
B.Lalnunfela 36*(37)
Lalbiakfela 24(20)
Lalhruaizela 24(32)
Remruatfela 1/19(4)
Chanmarians Cricket Club wicket 5 in an chak
Man of the match : Lalhriatrenga (Chanmarians CC)
Mimal lawmman :
Player of the tournament : Sahil Sharma (Gorkha CC)
Best Batsman : Sahil Sharma (Gorkha CC)
Best Bowler : TC Vanlalremruata (Chanmarians CC)