Aizawl : Art & Culture department-in nimin khan an Director Carol VLMS Dawng- kimi hovin Muthi khuaah Art & Culture public relation & outreach programme an buatsaih a. Mizoram State Museum leh Mizoram State Archive-in thil hlui leh hlu te an phochhuak a, Tribal Research Institute leh Mizoram Publication Board-in a duh tana lei theih turin lehkhabu hrang hrang an pho- chhuak bawk.
Muthi khua hi sor- kar laipuia Ministry of Rural development and Panchayati Raj hma- lakna pakhat – Sansad Adarsh Gram Yojana (SAGY) hnuaiah Mizoram MP (Lok Sab- ha) C. Lalrosanga’n kum 5 chhung atana Model Village-a a thlan a ni a. Model village atana thlan te hi sorkar laipui leh state sorkara department hrang hrang te hmanga kawng hrang hrnga tihhmasawn tura ruahman niin, model village tihhmasawnna kawng khat atan Art & Culture Public Relations and Outreach programme pawh hi buatsaih a ni.
Muthi community hall-a a hawnna hun buatsaih chu Model village development committee Chairman, Mithu VC Vice President Laltanpuia’n kaihhruaiin, Art & Cult- ure Director Carol VLMS Dawngkimi’n thu a sawi a. SAGY kaltlanga sorkar laipui hmalaknaah ‘hmasaw- nna chu thingtlang kh- ua atangin a intan tur a ni,’ tih a nih thu sa- wiin, model village-ah ngei programme hman a ni chu a inhmehin lawmawm a tih thu a sawi. Mizo hnam zia- rang leh rohlu-te hum- halha, chawinunga, hm- asawnpui theihna tur zawnga hun buatsaih a nih thu a sawi bawk.