Finance department-in kum 2022-2023 chhunga P&E department sum thawkchhu- ah tura a tuk Rs. vai- belchhe 600 chu P&E Deptt. chuan eng chhi- tna leh thil dang atangin za-a 122-a khumin, Rs. vaibelchhe 737 an thawkchhuak.
Sorkar thuchhuahin a tarlan danin Joint electricity regulatory commission (JERC)-in hemi hun chhung veka P&E Deptt thawhchhuah tura a beisei chu Rs. vaibelchhe 403 a ni ve thung a, hei pa- wh hi P&E Deptt chu- an an khum bawk a ni.
P&E Deptt-in Baw- ngkawn South Cultural centre-a nimina Electrical safety day an hmannaah P&E Minister R. Lalzirliana leh P&E Commissioner & Secretary H. Lalengmawia ten kum 2022-23 chhunga Sub-Di- vision te inelna hrang hranga lawmman an sem a. Sum thawhchhuah lama thawk tha ber Revenue Sub-Division II Aizawl-in Rs. vaibelchhe 157.77 an thawkchhuak a; pahniha leh pathumna Ma- mit power sub-division leh Champhai power sub-division te an ni.
Hmanrua leh thil dang avanga sub station atanga consumer-te hnena kawlpetha a thlen thlenga hlohna hrang hrang technical & commercial loss tih tlem kawmga thawk tha ber Champhai Rural sub division niin, pahnihna leh pathumna Mualth- uam power sub-division leh Mamit power sub-division an ni.
Division 5 – Distribution division I Ai- zawl South, Distribution division III Aizawl central, Revenue division I Aizawl North, Tuipang V power sub-division leh Maicham Hydel project sub-division, North Vanlaip- haiin kum 2022-2023 chhungin electric Tra- nsformer pakhatmah an tichhe lo bawk.
P&E Minister R Lalzirliana chuan ku- mtin electric kal sual avangtea in leh lo chan an awm thin chu pawi a tih thu sawiin, hemi kawnga fimkhur tura inhrilhhriat tam leh zual a tul thu a sawi a. Fimkhurna leh himna chhungchanga tih tur leh hriat tur te zawm a pawimawh thu sawiin, thil pawi thleng palh thei nia langah te pawi a thlen hmaa action lak vat thin a tul thu te a sawi bawk a ni.