Police chuan Vietnam-a ruihhlo kg 50 zet tawlh luttu mi 65 an man a, an ruihhlo ken zinga thenkhat chu ha nawhna hlo bawm (toothpaste tube)-a an dah a ni.
Thla hmasa maiah khan Vietnam Airlines-a thawk, cabin crew pali chu Paris atanga Ho Chi Minh City-a an thlawh luh hnu lawkah an ip khaia tube-ah ruihhlo an thuhruk mansak an lo ni tawh.
Nulate hian toothpaste kg 60 phurhsak tura ngen an ni a, a chhunga ruihhlo – ecstasy, ketamine leh cocaine a awm tih an hriat loh thu an sawi.
Vietnam hi ruihhlo khuahkhirhna dan nei khauh ber pawl ni mah se a tawlhna khân lun ber zinga mi a ni tho.
Toothpaste tube 327 zinga a zahve dawn, flight attendant-ten an kente hi ruihhlo vek a lo ni a. Chhuitute chuan heng hmeichhiate hian ruihhlo an keng tih an inhre lo tak tak nia sawiin bail-a chhuah mek an ni tih a sawi.
Police chuan tun kara an man mi 65-te pawh hi a hmaa mite ang chiaha Vietnam-a ruihhlo luhpui tumte an ni tih an sawi.
Thlawhnaa thawkte chhawrtute tho tirh kha a nih an ring.
Heng mi 65-te hi thubuai chi hrang hrang – ruihhlo lei, hralh, keng kual leh kawl siamsak an ni tih tual chhung chanchinbute chuan an tar lang
Police-te chuan France-a Vietnamese zirlai leh chengte pawh hmanruaah an hmang fo ang tih an ring.
Ruihhlote hi Vietnamese thlawhna tumhmuna tumpui a nih hnuah tual chhunga delivery service-ten Saigon nena inrina, Dong Nai province-ah bungraw dang an pek angin an pe kual thin.
He hmun atang hian hmun hrang hrangah sem darh leh thin a ni.
Thuneitute chuan tun hnai thla thum lek chhunga thlawhna hmanga phurh luh an man hi kum nga liam ta chhunga an man aiin a tam tawh zawk niin an sawi.
Ho Chi Minh City hi an thenawm, Cambodia-a kal leh maina a awlsam avangin inhlanchhawn nan a remchang hle.
Vietnam-ah hian heroin kg 600 chin chung emaw, methamphetamine kg 2.5 chin chung kawl leh tawlh ru man thiam loh chantirte chu thi tura hrem theih an ni a. Ruihhlo dang kaihhnawiha mante hremna pawh a nasa hle.