Aizawl :MZP-in RUSA fund hmanga college building sak mek, sak zawh hun tur pel tawhte chu kumin June thla ral hma ngeia zo hman vek turin hnathawktute an ngen.
Hemi chungchang hi sorkar thuneitute leh building sak hnathawktute pawh an lo sawipui tawh niin MZP chuan an sawi a. An harsatna hrang hrang leh college hrang hrang zirlaite atanga thu dawn te an ngaihtuah hnu ah RUSA fund hmanga college building sak mek, sak zawh hun tur pel tawh te chu kumin June thla ral hma ngeia zo tura ngen chu an thutlukna a nih thu an sawi.
RTI hmanga zawhna sorkarin a chhan danin, RUSA fund hmanga hnathawh mek te chu kumin March thlaa zawh tura ruahman niin, heng hna te hi – Skyridge Construction & Consultancy Services, Aizawl leh SR Tochhawng Traders, Aiz- awl ten an thawk tih MZP chuan an sawi bawk.