Thawm thang ri va a tam laiin, khawthlang media te chuan Johnny Depp nena thubuai hmachhawn hnu a chak lo ta a nupui hlui Amber Heard hian Hollywood a chawlhsan niin an tarlang.
Hemi chungchang hi Daily Mail-a thawk Alison Boshoff-in a puangzar hmasa ber a, Aquaman actress hi a fanu nen Spain lamah insuanin, thawm dim takin an khawsa, a ti.
“Heard-i’n Hollywood a chawlhsan ta tih hi ka sawichiang thei a, tunah hian a fanu Oonagh nen Spain-ah an insawn,” tiin a sawi.
A sawi zelnaah chuan Amber hian spanish tawng a thiam nal hle a, In tharah hlim taka khawsa in, a khawvelah nuam a ti tawk hle a ti bawk.
“Ka rin dan chuan Hollywood lamah kir leh thuai tumna a nei lova, a hun tawh, a tih erawh chuan a zuanluh leh nghal mai a rinawm hle bawk. Project tha tak, a mil tak ni bawk tur a hmuh fuh chuan a lo let leh ngei ang,” tiin Daily Mail report-ah a tarlang.