Aizawl District Inter Club Shooting Championship vawi 17-na kal mek chu vawiin hian zawh fel a ni ang.
Aizawl district huam chhunga shooting club hrang hrangte tan 10 mtrs air pistol, 10 mtrs air rifle, 50 mtrs .22LR leh 25 mtrs pistol hmanga inelna hi kalpui niin, shooter-te’n an hlut a, club hrang hrang atangin shooter pawh an tel thahnem hle a ni.
District championship-a tithate chuan state championship lo awm turah district ai an awh ang.
Vawiin tlaiah kharna hun hman a ni dawn a, medal leh certificate sem tur niin, programme zawhah kum 2023-2025 chhung atana Aizawl District Rifle Association hruaitu tur an thlang ang.