ADIDAS tan sum hek lawih phahna a tling a, Kanye Wes tawngkam hman duhtui lo, Juda ho huatna chhakchhuak fo vanga thawhdunna an titawp khan sum lamah an tawrh phah tih an pha lo.
A bik takin, North America bikah an tuar lehzual a, nikum atanga an inthen hnu khan percent ang chuan tlemin lang mah se, sum hran hi a tam tham vangin Adidas hlawkna tur tam tak a vaw chat.
West hian Adidas nena an thawhdunna hnuaiah Yeezy brand siamin, trainers te inbel tur a design a, mahse an kal dun thei tak loh hnu ah erawh kumin january-March khan sales tlakhniamna hi pound maktaduai 400 a tling hman.