Aizawl : PC party President Vanlalruata’n Chakma Autonomus District Council (CADC) inthlan lo awm tura BJP candidate Amit Kumar Chakma-a’n nunna chàn khawpa vanduaina a tawk pawi an tih thu sawiin, “rawng taka kutthlaktute kan demin an phu tawka hremna pe ngei turin PC party chuan thuneitute kan phut a ni,” a ti.
Vanlalruata chuan ”Democracy ram kan nih angin Mizoram hian inthlan kan hmachhawn reng dawn a. Inrikrapna leh hleilenna hmanga lalna leh thuneihna chan tuma hmalakna erawh hi chu PC party chuan kan dodal tlat dawn” a ti a. Kan ramin inthlanna fel leh tha kan neih theih nan theihtawp kan chhuah zel dawn a ni, ” a ti bawk.
Manipur state buaina chungchang pawh sawiin Vanlalruata chuan ”kan unau Zohnahthlakte kan ngaihtuah hle a. Mizoram sorkar pawh kan unaute sahimna ngaihtuaha chak taka hma la zel turin turin kan beisei” a ti a. Manipur buaina chingfel tura a rang thei ang bera che turin sorkar laipui pawh an phut thu PC party President chuan a sawi bawk a ni.