Mi tam zawkin King lawma an phusak hle lai hian duh lohna lantir erawh an awm ve tho va, heng mite hi Republic mite niin lal tihbova an ram hotu ber chu mipui thlan duhtute an ni.
Mi paruk vel, van atanga duh lohna ziahna placard hlang mektu man an ni a. Metropolitan Police chuan a vaiin mi 52 man an nih thu an sawi a, hei hi mipui himna leh hlimna tiderthawnga tibuai theih an nih thu a sawi.
Mi man an ni hi mi tam takin an dem a; mahse, Commander Karen Findlay chuan Scotland Yard chet dan chu chhanin, “Kan hna chu thil pangngai taka kalpui a nih theihna tura a tibuaitu ven a ni,” a ti.
Lal neih duh lotute hian an duh lohna lantir theihna chanvo an nei niin an insawi a; mahse, police chuan ‘mi tihbuai tumna’ nia sawiin phal a nih loh thu an sawi.
Human Rights Watch UK director Yasmine Ahmed chuan, “Lallukhum khumtir a nih laia muanawm taka duh lohna lantirtute man an ni hi a pawi hle,” tiin a sawi ve bawk.
Metropolitan Police chuan he ni-ah hian officer 11,500 an duty-tir thu leh ni khata an duty tam ber tum a nih thu an sawi.