Govt. Hrangchhuana High School-ah kan lût ho thin a, keini ai chuan an û deuh zâwk a. Class 8 kan nih khân class 10 an ni tawh. Mi harhvang leh hlim thei tak ani a, Function neuh neuh ah pawh kan zai ho fo mai. Amah hi khatih hunlai na na na kha chuan a luck ve chiang alawm. Hmeichhe ho star rawn kha ani thin a, a ngo veng a, a zai thiam a, zai paha a tâwk chauha lâm pah te kha a zei riau mai a, an star nasa thei hle.
A unaupa Joy Zairemmawia (L) te nên pawh programme te nei hovin kan zin ho dal dal thin a, an bula awm kha a nuam thin. An va ngaihawm dawn tak êm aw!
Ama nunah hian harsatna hrang hrang a thleng ve nasa a, khawvel lamah pawh a han petek ve nawk nawk na a, Lalpa hian a hmangaih a, a rawngbawl turin a duh a, a hruai chhuak leh ta a ni. Kan hriat theuh angin tûn thleng, a boral ni thlenga Lalpa rawngbawltu pawimawh tak a ni thei te hi a ropui a ni.
Harsatna ruama a awm lai pawhin Lalpa lam a hawi tlat a, a fate tan pa tha tak leh pa nih a tling êm êm a ni. Amah hi mi inngaitlawm tak a ni a, engtiklai pawha hlim hmel pu sâng thei, harsatna a tawk ta lo emaw tih tûr khawpa natna leh harsatna indelh beh tir duh lo mi, fighter ropui tak a ni ka ti lo thei lo.
Tumkhat pawh, harsatna namen lovin min tlâk buak lai, thih châk hial a ka nun a beidawn lai hian kan inbe hlauh mai a, phone kaltlangin min tawngtai sak a, theihtawpin beidawng hauh lo turin min fuih a, “Chhel takin lo awm la, Lalpan a hruai chhuak leh ang che a, rawngbawlna te kan la nei ho ang” tiin min chah a. Ni e, Lalpa chuan min hruaichhuak leh ta ngei a, mahse rawngbawl ho na hun chu kan nei dawn ta lo anih hi.
U Zai, he khawvela natna i tawrh zawng zawngte hi Lalpa’n a tâwk a ti tawh a, a hnêna châwl hlen tûrin a hruai ta che a, kan va ngai dawn che êm!! I fate ngaihtuah phei chuan ala hun lo hulhual a ni tiraw? Mahse tûnah zawng, i hahdam ta e. Thlamuang takin chawl la, I fate pawh Lalpan a thlahthlam.lovang. Mangtha aw… Ka ui takzet che.