MPCC General Secretary, MLA hlui Joseph Lalhimpuia’n Lunglei Fire Station-in Subash Cha- ndra Boss Aapda Prabandhan Pushkar Aw- ard an dawnin a ken tel Rs. nuai 51 bakah staff te pual Rs. nuai 5 chu Fire Deptt. tihchang- tlunna atan hman a la ni lo niin a sawi a. “He sum hi a dawngtute hnenah pek ni rawh se” a ti.
Joseph Lalhimpuia chuan he chawimawinain a ken tel sum chu kumin March ni 10 khan Mizoram sorkar account-ah a lut tawh nia sawiin, “tunhnaia Home Minister-in Lu- nglei a tlawh khan Aizawl lam atangin an hotu ten thutphah, fridge leh TV te an lo dahluh tir” a ti a. “Congress sorkar lai kha chu ni se Fire deptt staff te hi sum hi kan pe ang” tiin, “Rs nuai 51 pawh hi Lunglei Fire Station tihchangtlun nan hmang ngei se ka duh” a ti.
Lunglei by-pass road chungchang pawh sawi- in, Joseph Lalhimpuia chuan “Congress sorkar laia Lunglei by-pass road siam na tur Rs. vbc 10 leh Circuit house sakthatna tur Rs vbc 10 kan dah pawh min pawhpen sak vek” a ti a. “MNF hian min hlamchhiah pawh a ni lo, min hmusit ni berin ka hria” a ti.
ZPM party chung- chang pawh sawiin, a pawn leh chhungah anmahni leh anmhani inbeiin hun an hmang niin a sawi a. ZPM Southern Hqtrs Lunglei inthlanah pawh vote nei thei aia tamin vote an thlak nia sawi- in, chumi chuan MLA candidate tur thlengin a nghawng niin a sawi.
Joseph Lalhimpuia chuan ZPM chu mi sawisel ringawta bul tan nia sawiin, “hei hi kalphung thar an tih chu a ni ber a, hei ai chuan kalphung nghet leh kalphung dik hi a tlo zawkin a rinawm” a ti bawk.