Remna Ni hman dan tur ngaihtuahtu state level committee, Chief Secretary Renu Sharma kaihhruaiin “kumin June ni 30 ‘Remna Ni’ chu Aizawl bakah district headquarters zawng zawngah hman ni se” an ti.
Remna Ni lawmna tur hian thil chi hrang hrang – essay & quiz competition, seminar/talk show, peace walk/run, painting & photo exhibition, thisen pek runpui leh one day health camp te buatsaih ni se, an ti.
Aizawl-a he ni hman dan tur programme chu GAD lamin an lo ruahman turin an ti a. District tinah district level committee siamin Bawrhsap te kaihhruaina hnuaiah Remna Ni hman dan tur duan ni se, an ti bawk.