Tuna ramchhunga sawi hat hat tling leh inhnialna thlentu film langsar ber ni mek ‘The Kerala Story’ chu dan leh thupek kenkawh harsat hlauhthawn thilah Tamil Nadu-ah tihchhuah chhunzawm loh an rel.
Filmstar- Adah Sharma, Yogita Bihani, Sonia Balani leh Siddhi Idnani te channa Hindi film-ah hian Kerala-a hmeichhe thenkhatte chu Islam sakhuaa an inleh hnu ah ISIS firfiak ho an zawm dan behchhana siam a ni a, hei hian a ni lo zawng leh a tha lo zawnga nghawng a neih theih ring an tam a, boruak a rit.
He film hi state thenkhatah tax-free ni mah se, Tamil Nadu-ah chuan tihchhuah khap bur a ni a, Kerala-ah pawh chhuah lohna hmun an nei nual.
Boruak kal dan fuh lo, dan leh thupek kenkawhna harsatna chhuanlam siam a ni chu he film-a inlan te ngaihdan a ni lo. Politician te’n mipui awm dan tur leh society kal dan turah thuneihna an nei lo, tiin mipuite chu an zalenna rahbehsak lo turin an ngen.