Aizawl : Mizoram state sports council (MSSC) hnuaia non-residential coaching programme (NRCP) 2022-2023 hnuaia tra- ining tithate lawmpui- na hun chu nimin khan DMC, Dawrpui-ah buatsaih a ni a. Sports Minister, MSSC President ni bawk Robert Romawia Royte-in tel- puiin, NRC program- me for Athletics and Judo a hawng nghal.
MSSC non-residential coaching programme 2022-2023 chu ni 13 July, 2022 khan hawn a ni a, a bultan nan discipline hrang hrang 6 – Basketball, Boxing, Table Tennis, Tennis, Weig- htlifting leh Wrestling-ah te coaching programme hi kalpui a ni.
Sorkar thuchhuahin a tarlan danin coaching programme hi Mizoram Sports Policy zul- zuiin infiammiten awlsam zawk leh man chawi lova zirtirna an dawn theihna atana du- an a ni a. Naupang ku- m 17 hnuailam bakah infiammi mi bikte chu enkawl theih tura ruahman a ni.
Sports Minister Ro- bert Romawia Royte chuan MSSC NRCP ah nakum atang chuan Athletics leh Judo pawh a tel tur thu a sawi a. Infiammite a bika enkawl nan Mizoramah ‘Khelo India’ hnuaiah state centre of excellence for boxing, wrestling leh weigh- tlifting tan a awm thu sawiin, NRCP nen thl- unzawma thawhho tha a tih thu a sawi.
“Infiamna zirna school ‘Sports school’ neih a chakawm hle” tiin Sports Minister chuan chumi tan chuan sorkarin theihtawpa hma a lak mek thu a sawi a. “A hlawhtlin hunah chuan infiam- mite tan mellung pawimawh tak a ni dawn a ni” a ti.
Robert Romawia chuan thalai zu ngawl- vei leh ruihhlo ti tam lutuk chu runthlak a tih thu sawiin, infiamna hmanga chhanchhuah an nih theih a beisei thu a sawi a. “Mimal, chhungkua leh khawtlang tanho chuan infiamna hmangin ram a siamthat theih” tiin, Mizo mipuite chu hmathlir tithuia, chim chin zauh zel turin a chah a. Mizo zinga infiamna lama hma lo sial tawhtute entawna, an hnungzuia Mizoram tan theihtawp chhuah turin a chah bawk.