BJP Mizoram State Executive member Robinson Hmar chuan Manipur buai avanga Serlui biala raltlante tan tanpuina a pe.
Pathianni khan Rodinson Hmar hian Saipum khuaa ral tlan mi 66 ei tur buhfai, alu leh nutrella bag khat theuh a pe a. Nimin khan Vairengtea raltlan mi 220-te tan Vairengte Joint YMA te hnenah silpaulin pahnih leh Rs 5,000 a hlan.
Robinson Hmar hian Saipum leh Vairengte khuaa raltlanten an harsatna an thlen thu leh puih theihna tur awm ang anga pui turin a inpeih reng thu a sawi a. Vairengte-ah hian Joint YMA OB te nen inkawm ho na neiin a tul anga hmalak dan turte an sawi ho bawk.