Aizawl : Land Resources, Soil and Water Conservation Minister R Lalzirliana’n Synod Hospital Durtlang hnenah Coffee peeling leh Grinding machine a hlan.
Minister R Lalzirliana chuan an hun hman chu thil chhinchhiahtlak a nih thu sawiin, Synod Hospital Durtlangin Coffee chin nachang an lo hria chu fakawm a tih thu a sawi a. Coffee kung enkawl zuina lampangah Soil department in hma an lakpui thei tur pawh hlawkthlak dawn hlea a hriat thu a sawi.
R Lalzirliana chuan tunlaiah global warming-in nghawng lian tak a neih thu sawiin, Mizoram pawh a nghawng nasat ber tur te zing a mi a nih thu a sawi a. Ngaw daihlima coffee lo chin te chu a hlawk thlak hle, tiin, a bik takin Durtlang Hospital a hna thawktute tan phei chuan an hunawl neih tlem te an hman tangkai theihna leh rilru chhawk zangkhaina tur tha tak a nih a besei thu a sawi.
Synod Hospital chu thlei bik neilo damdawiin a nih avangin tumah admit duh loh an neiloa, chung zingah chuan hospital bill pe theilo tamtak anlo awm ve avangin hlawkna an hmu thinlo niin R Lalzirliana chuan a sawi a. An rawngbawl na a ropuiin fak tlak a ni takzet a ni, a ti.
Synod Moderator Rev.Dr.C.Chawnghmingliana pawhin thusawiin, an khawl chu a hmel en maia ho taka lang, mahse ropui tak a nih thu sawiin, an coffee huan pawh a enkawl dan felfai taka an hriat loh avangin kung sang tak tak a awm nual niin a sawi a. Chung chu soil department in a enkawlnaah kaihhruaina an pe thei tur chu a lawmawm hle a ni, a ti.
Moderator chuan Synod hospital chu huapzo a ni, tiin a chang chuan damlo thenkhat in bill an pek theihloh tli- ngkhawm avangin Hospital intodelh lo anga hriat ni thin mahse, an hospital rawngbawl na chu chak zawka kalpu- ia, mite tan malsawmna nih chhoh zel chu an tum a nih thu a sawi.
Hospital chu kohhran inthliarna leh thlei bik neilo a nih thu pawh Moderator chuan sawiin, sorkarin kawng hrang hrang, electric leh tui lakna kawng ah te a tanpui thin chu an lawm thu a sawi bawk.