South Korea-a in chhawng ngaa sang thiah (tihchim) tlu chuan a bula bus ding lai delhin mi pakua vel an thi niin thuneituten an sawi.
An ram chhim lam, Gwangju khawpuia thil thlengah hian mi pariatin hliam an tuar bawk.
Bus-ah hian mi 17 an chuang a, in thiah mek hnuai kawngpuiah hian a ding mek niin National Fire Agency chuan a sawi.
In tluk chhan hi hriat a ni lo va, a keh darh karah hian nung dama chhanchhuah tur an awm leh awm loh dap zui nghal mek a ni.
A tluk dawn avang hian hna thawktu zawng zawng hmun himah awm sawntir vek an ni tih fire officer Kim Seok-sun chuan a sawi.
Thawktu thenkhat chuan a tluk hma hian a bul hnaia mihring kalna awm tur khartir a ni bawk tih a chhuitute an hrilh tih a sawi bawk.
Social media-a video an thehdarhah chuan in chim tlu hian bus hi a delh chiang hle a ni.
A bula dawr nei pakhat chuan lirnghing ang mai a nih thu a sawi.