Beisei ang a nih chuan Beyonce-i tour pui tak, ‘Rennaisance’ hian US$ billion 2 lawih a lalut dawn a, Taylor Swif, ‘Eras’ tour sum hmuhchhuah a khum hneh hle ang.
Forbes tarlan danin, Beyonce hian tuna tour hit tak mai a kalpui chhunzawm zel a, a tawp a khar tluang a nih chuan sum namen loin a umzui dawn tihna a ni.
Chhut dan ah chuan fan te’n ticket an lei dan te, ticket man to chak te leh live gig hmuna thil an hralhchhuah atangte’n ‘Renaissance’ tour hian kumin September a liam meuh chuan $Maktaduai 275 leh $Billion 2.4 inkar vel sum a hmuchhuak ngei tura ngaih a ni hial mai.
Beyonce hian tour atanga $Billion 2.4 a hmuchhuak a nih chuan Taylor Swift, ‘Eras’ tour sum hmuh $Billion 1.9 kha a khum chiang hle dawn tihna a ni bawk.