India senior men’s national team head coach Igor Stimac chuan tunhnai khan Hero Intercontinental Cup khel tur squad khawrpum hna thawk tanin, national camp luah hnua la thlitfim leh tur player 41 a puang a, koh zingah Mizo footballer pathum an tel.
National camp hi Bhubaneswar khawpuiah May ni 15, 2023 atangin an lut tan dawn a, duhtawk an ngah hnuah head coach chuan June 9-18 chhunga Odisha khawpuiin a thlen tur Hero Intercontinental Cup khel tur squad nghet a puang ang.
Fifa ranking thar bera 101-na luah mektu India hi kan hma tournament-ah hian an aia ranking-a sang pakhat Lebanon (99) leh hniam zawk pahnih Vanuatu (164) leh Mongolia (183)-te nen Bhubaneswar khaw tournament-ah hian group khataha an awmho dawn a; he mi atana squad hmnasa luah pha Mizo pathumte hi a tawp thlengin an inhamtang zo dawn em a hriat rih loh.
Blue Tigers hian kum bul an tan tha thawkhat a, Manipur khawpui Imphal-a Hero Tri-Nation Cup-ah khan an tumpui pahnih Myanmar (1-0) leh Kyrgyz Republic (2-0) an hneh a, Hero Intercontinental Cup atan pawh hian beiseina sang zawk an nei ngam tura beisei a ni.
Player 41 thlanchhuahte chu:-
Goalkeepers: Vishal Kaith, Gurpreet Singh Sandhu, Phurba Lachenpa Tempa, Amrinder Singh.
Defenders: Subhasish Bose, Pritam Kotal, Asish Rai, Glan Martins, Sandesh Jhingan, Naorem Roshan Singh, Anwar Ali, Akash Mishra, Chinglensana Konsham, Mehtab Singh, Rahul Bheke, Narender.
Midfielders: Liston Colaco, Ashique Kuruniyan, Suresh Singh Wangjam, Rohit Kumar, Udanta Singh, Anirudh Thapa, Naorem Mahesh Singh, Nikhil Poojary, Yasir Mohammad, Ritwik Das, Jeakson Singh, Sahal Abdul Samad, Rahul KP, Lalengmawia Ralte, Lallianzuala Chhangte, Bipin Singh, Rowllin Borges, Vikram Partap Singh, Nandha Kumar, Jerry Mawihmingthanga.
Forwards: Manvir Singh, Sunil Chhetri, Siva Sakthi Narayanan, Rahim Ali, Ishan Pandita.
Head Coach: Igor Stimac.