A zai dan leh inlan dana dukhawp lo fan tam tak te leh amah sawiseltute Lionel Richie-a’n thlalak hmangin a chhang a, Lalber ni tura King Charles lakluh lawmna programe-a thil thleng kha sawi a hlawh chhunzawm.
Coronation Concert online-ah Lionel hian thlalak thahnem tak a dah chhuak a, fan thenkhatte hnen atana sawselna nasa tak leh duhkhawp lohna te’n a tibuai lo a ni awm e.
Windson Castle-a neih zawh takah khan King Charles III leh Queen Camila te hmaah show hmuhnawm leh mit tlai tak chhawpchhuah niin, rimawi khawvela artist lar tak takte zaiin an awi.
Lionel pawh kum 73 mi ni tawh mah se, thothang tha leh phur takin ‘Easy Like Sunday Morning’ leh ‘All Night Long’ te chu a sa a, mahse a tla fuh lo niiin a lang.
In lam atanga lo thlirtu fan te an lungawi lova, an rin leh beisei lo ang tak maia a vocal fuhtawk lo chu social media lamah na takin an umzui a, a ‘aw’ danglam lutuk chu hrethiam thei lovin an phun nasa hle.
Uar fal deuh te’n, “Lionel Richie lemchang an awm a ni zawk lo maw.. a ‘aw’ a ni reng reng lo, a danglam mah mah,” an tih laiin, “Lionel ‘aw’ chu a va mak tak! Ka hai chiang khawp mai,” a ti ve bawk.
Amah sawiselna leh a zai duhkhawp lohna a nasa angreng a, mahse amah ber erawh a nghing lem lo.
Engmahin a chhang lova, comment tam takin a tibuai lo niin a lang. Online update a ti sauh sauh a, khawvel chanchina thil thleng pawimawh taka a inlan thei leh a zai thei chu a lawmzia bak a tarlang lem lova, thlalak a dah chhuak nual.