Aizawl : Information & Public Relations Minister Lalruat- kima’n “Social media lama mipuite tichiai thei thehdarh kawngah insiamthat a ngai” a ti.
Kanan Br YMA-in an Golden Jubilee law- mna puala hmeithai in an sak sak an hlannaah he thu hi I&PR Minister chuan a sawi a. “Zo nun zemawi aia upa te zahna leh midangte tanpuina kan ramah vawnnun zel a tul, a chhelai pakhat awm hlek social media hmanga nasa taka mipui tiralkhel leh tichiai zawnga thehdarha hma kan la chak lutuk erawh insiamthat kan ngai hle” a ti.
Lalruatkima chuan, “Kan khawtlang din- hmun hetiang a nih mek laiin, a chhelam sawi a nasa em em a, hetiang hian mi nun a ti ralkhela, mimal nun tam takin a hruai thalo thei” a ti a. Tunlaiin thalaite ah aia upa zahna, Zonun zemawi a dal lek lek tan em aw, tih tur a nih thu sawiin, “kan ram hmasawnna technology in min delh mek karah, kan kohhran hruaitute, khawtlang hruaitute, ram hruaitute kan aw- mhmun atangin kan dem a, kan sai ta salh salh mai hi a pawi a, mi hmasawnna hlawh- tlinnate kan inhmuhpui thiam a tul,” a ti.
Mi thatna lai te hmuhpui thiam tul thu sawiin, Lalruatkima chuan “A thalo lai ringawt thur chhuaka, a tha za 99 a la awma a thalo point 1 te kan hmu tlat a, thalo ta vek, fel lo ta vek lam kan sawi uar hi a pawi a, kan thalaite hi an taima a, an tumruh a ni tih hi kan infuihna ni se, hetiang hi kan sawi tam zawk hian hmasawnna rah tha a chhuah a ni” a ti bawk.
Kanan branch YMA-in an Golden Jubilee puala hmeithai in an sak hi bialtu MLA Lalruatkima’n a mimal sum Rs. nuai 2 a tha- wh bakah, a bang tur tile leh inchung rangva bandel 4 a thawh hmangin YMA leh Kanan Misitir Association-in a sak hna an thawk a ni.