Chakma Autonomous Dist Council-ah rorel turin MNF party chu a inbuatsaih mek a, nimin khan BJP MDC pathum – Santosh Chakma, Parimal Chakma leh Montu Chakma ten BJP bânsanin MNF Legislature Party an zawm a, MNF chuan MDC 13 a nei ta.
BJP MDC thlan thar pathumte hian MNF LP Leader Rasik Mohan Chakma leh District Council & Minority Affairs Secretary hnenah lehkha thawnin BJP an chhuahsan thu leh MNF LP an zawm thu an tar lang a, BJP atanga an bânna an thil tel bawk.
MNF LP Leader Rasik Mohan Chakma chuan hemi hnu hian District Council & Minority Affairs Secretary hnenah lehkha thawnin MNF chuan MDC 13 a nei tih a sawi a, MNF-in sorkarna an siam theih thu hi governor hnenah an thlen vat dawn niin an sawi a ni.
CADC-a sorkarna siam tur hian seat 20-ah seat 11 lak tur a ni.