Aizawl : PC party thalaiin Zohnahthlakte insuihkhawm lehna tura Zo Re-Unification Organisation (ZORO) hmalakna an thlâwp zel tur thu an sawi.
PC thalai chuan, “ZORO founder Brig. T. Sailo-a’n Zohnahthlak thendarha awmte rorelna pakhat hnuaia kun za theih nâna thui tak hma a lo lak tawh tihhlawhtlin a nih ngei theihna tura tun thlenga ZORO Gen. Hqrs hmalakna hi chhuanawm kan tiin kan thlawp zel dawn,” an ti a. “Myanmar, Bangladesh leh Manipur-a Zohnahthlak thendarha awmte, unau anga kan inentlàn theihna tura hmun tina Zofate min kai harhtu, ZORO thuthlung hi kan vawng nung zel dawn a ni,” an ti.
Manipura buai mek pawhin Zofate inpumkhat tulzia te, ZORO thuthlunga Zofate chen zà a pawimawhzia te a tar lang chiang hlea an ngaih thu PC thalai chuan an sawi bawk.