Tunlaia Indian filmstar lar leh hriathlawh Rashmika Mandanna chu Sa reng reng ei lo (vegeterian) ni si a, advertistment thar a Sa telna a fak mawi lo lawi si chu hrethiam lovin fan te’n an sawisel luai luai.
Telugu leh Kannada cinema atanga invawrh chho hi Sa reng reng ei lo hlawkna leh thatna uar taka sawi thin a ni a, Ran a ngainatzia te pawh rampum hriat niin, thlai hnah leh rah bak ei ngai lo a nih laiin fast-food commercial-a arsa a kaih lai thlalak leh video chu mi tam takin sawiselin, an umzui nasa.
Bollywood-ah pawh hming chher chho mek hian heti taka sawiselna, diriamna leh beihna hi a la tawk ngai lo hiala sawi a ni a, chutih rualin ngawih a chuh thung a, chanchin buatsaih lai hian social media lamah pawh chhanletna engmah a la sawi lo.