Border Security Force sipai pakhat chuan a thianpa a kah hnuah amah leh amah a inkap hlum zui.
Manipur-a Churachandpur district-a an camp-ah he inkahna hi Thawhtanni chawhma dar 10:00 vela thleng a ni.
Ramri vengtu sipaite subsidiary training center (STC)-a awm mek, BSF head constable hian amah aia hniam zawk chu a sipai silai hmangin a kap phawt a, amah pawh a inkap zui a. A thi nia sawi a ni.
Head constable hi a thi nghal a, a thawhpui a kah, constable hi damdawi inah hruai nghal a ni a, a dinhmun a tha vak lo nia sawi a ni.
He thil thleng hi chiang zawkin sipai inenkawlna dan hnuaiah chhui a ni ang.
Sipaite hi subsidiary training center director hova he hmuna awm hi an ni a, director hi Inspector General rank officer a ni.
BSF sipaite hi India-Bangladesh ramri veng tura helai bawra dah hi an ni ber.