Prime minister hlui, Khan-a dan hre mite chuan man a nih chhungin nasa taka sawisak niin a chaw ei turah insulin an pawlh a, heart attack a neih theih nana tih a nih thu an sawi.
PTI chief hi lung ina a awm chhungin zawi muanga heart attack a neih theih nan chiu a nih thu leh inthiarna pawh hman phalsak a nih loh thu an sawi a. A awm a na niin a dan hre mite hian an sawi bawk.
“Thah tumna a ni a. Mut pawh an phal lo niin a sawi a. Pindan tawp takah, inthiarna leh khum pawh a awm lohnaah an dah a. Police-in an lak hnuah zing dar 3:00 hman zawng ei tur pawh an pe lo,” tiin a dan hre mite hian thuthar lakhawmtute hnenah an sawi niin news agency ANI chuan a sawi.
Khan-a hi Pakistan minister Rana Sanaullah pawhin amah a thi a nih loh chuan Khan-a chu thah a ni dawn tih a lo sawi tawh a. November khan silaia beih a lo ni tawh bawk.