Aizawl : Transport Minister TJ. Lalnuntluanga’n Zirtawpni khan Tripura Transport Minister Sushanta Chowdhury chu Agartala-a a Pisa-ah hmuin, kumin June-a tawp tur nia hriat Aizawl – Agartala thlawhna service chhunzawm zel theih dan tur a sawipui.
State pahnih Transport Minister-te hian Aizawl – Agartala thlawhna a service chhunzawm zel theihna tura tul leh pawimawhte an sawidun a. State pahnih ten theihtawp chhuaha bawhzui tha tiin, Ministry of Civil Aviation leh thlawhtheihna company thuneitute hnena ngenna siam ni se, an ti.
Transport Minister TJ. Lalnuntluanga hi Agartala Mizo Welfare Association (AMWA) hruaitute pawhin an lo hmu a. AMWA-in Aizawl – Agartala thlawhna service June, 2023 atanga tawp mai tura hriat chungchanga hmalakpui tura an lo ngen bawhzuiin Transport Minister hian a tul angin hma a la niin sorkar thuchhuah chuan a tarlang a ni.