Congress hi tun tum inthlanah hian bial lak leh vote tla zinga an hmuh zat atanga chhutin kum 30 hnua an chet that ber a ni a. Kum 2018-a bial an lak zat aia 55 zeta tam lain bial 135-ah hnehna an chang a, vote tla zinga 42.88% zet an hui bawk.
Kum 1999 inthlanah khan Congress hian bial 132 changin vote 40.84% an chang phak bawk a, hei hi an khum.
An dinhmun that ber chu kum 1989 kha niin bial 178 zetah hnehna changin vote tla zinga 43.76% an chang phak bawk.
BJP ve thung hian bial 66 lain vote tla 36% an chang a. HD Kumaraswamy kaihhruai, Janata Dal-Secular chu bial 19-ah chakin vote tla 13.29% an chang.
Congress hi an inbeisei aia thain an che a, Siddaramaiah khan bial 120 chuang hret an beisei tih a sawi a ni.