Minister Lalrinawma’n Zirtawpni khan a bial Hmawngkawn khuaa hmasawnna hnathawh mek leh sorkar hmun te a tlawh a. “Khawtlang hmasawnna atana hmalak mek te leh khawtlangin a neih tawh sa te hman tangkai chu mipuite mawhphurna a ni” a ti.
Lalrinawma chuan “Khua leh tui tha kan nih angin khawtlang hruaitute thu ngaichang chung zela kan hmunhma leh hmanruate kan chhawr thiam a pawimawh” a ti a. He khuaa sorkar hnathawk ten an harsatna leh mamawh an lo thlente chu a theih anga hma a lakpui tur thu a sawi.
Minister Lalrinawma chuan Hmawngkawn khelmual laih mek, laih chhunzawn dan tur te enin, Anganwadi centre te, Govt. Primary School te leh MHIP In leh Health Clinic Centre-te a tlawh a, Chhuanthar Tlangnuam atanga Tuipui panna link-road laih mek a en bawk.
AH&Vety Minister Lalrinawma hian Inrinni khan Repubic Veng, Aizawla AH&Vety department complex pawh tlawhin, department ram te chu thawktu ten enkawl uluk zela, mahni ta anga an huma an vawnhim a that thu a sawi a. Midang tan hnawksak lova, mipui rawngbawltu nihna inhre reng tur leh mahni hnathawhna zawnah theuh midang tan malsawmna nih tum theuh turin thawktute chu a chah a ni.