AZL: Chief Minister Zoramthanga hoin nimin khan Aizawl West Bypass road siam tur chungchangah ngaihtuaha thutkhawmah he kawng siam turah zangnadawmna pek tur sum ruahman tel a nih loh thu sawi a ni.
CM Conference Hall-a thutkhawmah hian Aizawl tlak lam, Sihhmui atanga Muallungthu panna kawng siam tur chungchanga hmalak ngai sawi ho a ni a. Kawng siam tur hi km 44.8 bawr vela thui niin sorkar laipui chuan National Highway a nih loh avangin ram neitute hnenah zangnadawmna pek tur sum a ruahman tel lo a. Hetihlai hian PWD secretary hovin kawngin a tan tlang tur ram neitute nen pawh inbiakna a kal mek niin an sawi.
He thutkhawmah hian chief minister bakah Revenue Minister Lalruatkima leh finance commissioner leh planning & programme implementation secretary te, PWD leh land revenue & settlement department hotute an tel.