Aizawl : Rajya Sabha MP K. Vanlalvena leh Pr- incipal Consultant, GAD, Aviation, Wg. Cdr. J. La- lhmingliana ten nimin kh- an Director General Civil Aviation hotute hmuin, Lengpui airport-ah hmar lam atanga runway-a tum a, hmar lam hawi zawng bawka thlawh chhuah chauh phal a ni chu hmar lama khua a chhiatin thlawhna a tum theih loh phah thin vangin a rem lam lam atanga tum theih tura ruahmanna siam tura ngenna an thlen a. Tihhlawhtlin a nih theih nan DGCA official ten Lengpui Airport tlawh thuai an tum thuin an lo chhang.
Lengpui Airport chu table-top airport anga pu- an a nih avangin Ambulance thlawhna tum tur khalhtute chu a hmaa pilot instructor-in a lo clear la- wk tawh an nih loh chuan tum phal an ni lova, damlo phur thlawhna tan harsatna a thlen thin thu pawh thlenin, he khuahkhirh- na hi titawp turin an ngen a. Hemi chungc- hang pawh hi hi a hma thei ang berin DGCA chuan tihlawhtling tura hmalak an tiam niin sorkar thuchhuah chuan a tarlang.
Lengpui Airport runway light chu visibility a that tawk loh laiin chhunah pawh hman a ngai thin a. Tuna vuah mek runway light awm mek chu a that tawk loh avangin a aia tha zawk, thim thut thut leh khawchhiat lai pawha hman tlak tura state sorkar hmalakna chu a rang thei ang bera clearance pe turin DGCA chu Aizawl-ah an lo kal dawn niin sorkar thuchhuah chuan a tarlang bawk a ni.