Aizawl : Project Veng, Kolasib-a Apex Bank Automated Tel- ler Machine (ATM) bun thar chu nimin khan Kolasib Bawrhsap John LT Sanga’n a hawng.
Kolasib Bawrhsap chuan District consultative committee (DC- C) kaltlanga bank hr- ang hrangin sorkar hnuaia hamthatna an pek chhuah dan leh mipui tana sawt leh zuala hma an lak theih dan sawiho thin a nih thu a sawi a. DCC kaltlanga rawtna siam anga ATM booth thar chu bun a nih thu a sawi.
Project veng chu sorkar office awm tam- na leh hmunhma pawimawh tak tak awmna hmun a nih thu avanga ATM mamawhna pawh a san thu Apex bank hotute hriattir an nih thu Kolasib Bawrhsap chu- an sawiin, an ngennate an rawn tihlawhtling ta chu lawmawm a tih thu a sawi bawk.
Assistant General Manager C. Lalthanp- uia’n Kolasib Project Veng-a ATM chu Apex Bank hnuaia ATM 26-na a nih thu sawiin, Brig. C. Vankunga Shopping Centre, Diakkawna ATM dah chu ATM dang inhnaih tak taka a awm avanga a la rem rih loh thu a sawi.
Apex Bank ATM-te chu Mizo leh English-a hman theih a nih thu te, ATM hman chhungin ATM card chu khawl ah a inbarh reng a ngaih thu te leh thla 1 chhungin a thlawnin vawi 5-a hman theih thu te a sawi a. ATM chu khawl enkawl uluk ngai tak a nih thu leh a chhe siam a hautak thu sawiin, Project veng tana khawl tangkai tak ni turin duhsakna a hlan bawk a ni.