Aizawl : Synod Lay workers fellowship kum 50-na denchhenin tun thla ni 10 khan Synod lay worker ten Synod Hospital, Durtlang-in a tula an hman turin thisen an pe a. Thisen petute hi Synod Higher Secondary School atangin mi 55, Synod Multipurpose training centre leh Mizoram Christian college-a thawktu mi 15, an vaiin mi 70 an ni.
Tun thla ni 17 leh ni 24-ah Synod hnuaia department danga Lay worker ten an kum 50-na denchhen hian Synod Hospital-in a tula an hman tur bawkin thisen an pe leh dawn a. May ni 17-ah Synod office-a thawktute, PRESCOM-a thawktute, Sikulpuia thawktute leh PC Girls-a thawktu ten an pe ang a, May ni 24-ah Hmangaihna In-a thawktute, ATC-a thawktute, Recue Home-a thawktute, Masihi Sangati Kendra-a thawktute leh Synod Hospitala thawktu ten an pe ve leh thung ang.