LBS SUZUKI 21st Inter-Branch Football Tournament 2023 khuhhawnna May ni 16, 2023 (Thawhlehni) zan khan Vanapa Hall-ah neih a ni a, Pu Ngurdingliana, LBS Suzuki chuan a pet hawng.
He tournament ah hian YMA Branch hrang hrang 145 an inel dawn a, May ni 17, Nilaini atangin Aizawl leh a chhehvela khelmual 6 RG Stadium, AR Lammual, MAP Ground Armed Veng, Muallungthu Ground, MFA Ground Sairang Dinthar leh Lengpui Ground-ah te khelh a ni ang. YMA Branch Football thiam ber nih inchuhin chhuihthangvala te ho footballer 3600 chuang an innuai leh dawn a ni.
A khuhhawnna hi Nûnù-i, LPS, Anouncer chuan thiam takin a hruai a, Branch tin hruaitu te bakah player te leh sawmbik te an kal thahnem hle. Hriatrengi Lilac leh T. Vanlalhmangaihi te zai mawitak ngaihthlak a ni bawk.
Prof Malsawmliana, Asistant Secretary, Central YMA. chuan Bible Philippi 3:14 a chhiara Tawngtaina a hmangzui bawk.
Pu Lalhmachhuana Vice President CYMA chuan Inter Branch Football hlawhtlinna tur hian sum leh pai te angai a, mi inphal te inpekna lawmawm a tih zia swwiin Veng leh Khua hrang hranga hruaitu te thawhrimna lawmawm a tih zia a sawi a, thawhhona tel lo chuan hmasawnna a awm thei lo angin thawhho pui tur tha tak an awm avanga lawmawm a tih ziak a sawi bawk.
S.Malsawmtluanga, MFA Ambassador chuan team tin captain leh team aiawh te an awmna hmunah dintirin tournament khelh chhunga dan zawm a, khelmualah mawitaka khel turin thutiam a neihpui.
Pu R.Lalngheta, President, Central YMA chuan Branch tin hruaitu te rinawm a tul zia sawiin tournament-ah mahni member nilo lak ruk tum kan awm thin hi bansan a. YMA taka tournament hmachhawn turin thuchah a sawi.
Pu Lalnghinglova Hmar, Hon Secy, MFA chuan CYMA leh MFA te an thawhho theib avanga lawmawm a tih thu sawiin footballer hlawhtling te bul tanna chu CYMA football tournamnet atanga in tan a ni thin. Player tha tak tak an rawn chhuak dawn a, player te pawh theihtawp chhuah angaih tak zet thu a sawiin CYMA Inter Branch football tournament hi tangkai taka hmang turin player te a chah bawk.
Ngurdingliana, LBS Suzuki chuan CYMA leh MFA te nen thawkho thei a an awm avanga lawmawm a tih zia sawiin hundangah pawh thalai te sport lama hmasawnna an neih theih na anih chuan an inhawn reng thu a sawi.
Pu R.Lalrinmawia, Chairman Organising Committee chuan Group pariat (8) A-H ah thenin uluk takin fixtures siam anih thu asawi a, fixture a tlangzarh zui bawk. Tornamnet khel tur Veng leh khua zawng zawng te duhsakna a hlan bawk.