Aizawl : Minister C. Lalrinsanga bawk hmalaknain a biala Buarpui PHC-ah nimin khan a thlawna inentirna buatsaih a ni a. Aizawl atangin Doctor leh thawktu dang 14 leh Lunglei atangin Doctor leh thawktu dang 3 ten damlo 300 vel an en.
Bialtu MLA, Minister C. Lalrinsanga chuan ram hmasawn turin hriselna a pawimawh tih sawiin, thingtlang mi te tan khawpuia inentir tura kal a harsat avangin Health & Family Welfare department ruahmannain Buarpui PH- C-ah Buarpui leh a chhehvel khua te tan a thlawna inentirna chu buatsaih a nih thu leh lawmawm a tih thu te a sawi.
PHC-ah te doctor thiamna hrang hrang nei dah theih a nih loh avangin PHC-a kal- chilha, in entirna hun buatsaih a nih thin thu C Lalrinsanga chuan a sawi a. Health & Faminly Welfare Boa- rd Vice Chairman, MLA ni bawk Dr ZR Thiamsanga hova Aizawl leh Lunglei atanga medical team te Buarpui-ah damlo en tura an thawhchhuah avanga lawmawm a tih thu sawiin, damlo inentir zawng zawng te damna chang vek tura a duhsak thu bialtu MLA chuan a sawi.
Buarpuia a thlawna inentirnaah hian medicine, naupang leh hmeichhe natana lam thiam doctor ten damlote an en a, khaw hmuh fiahlo te mit entirna pawh buatsaih tel a ni bawk a ni.