Chelsea tana khel mek Pierre-Emerick Aubameyang chuan ram tan inkhelh a chawlhsan zet hnuin a thutlukna a sut a, Gabon tan khel turin a kir leh dawn.
Gabon tana goal thun hnem ber ni mek Aubameyang hian 2009 atang khan ram tan a khel tan a. Gabon tan hian inelna hrang hrangah vawi 68 khelin goal 28 a thun tling tawh. Gabon tan goal thun hnem ber a ni chungin kum 2022 khan ram tan inkhelh a chawlhsan. Ram tan kum khat zet inkhelh a chawlhsan hnuin a, an rama football pawl president Ali Bongo Ondimba nen an inkawm a. Inbiakna mumal tak an neih hnuin ram tan inkhel tura kir leh turin thutlukna a siam.
Gabon hian Africa Cup of Nations 2023 khelh tumin tan an khawh mek a. Patrice Neveu kaihhruaina hnuaiah an group-ah hma an hruai mek. Chelsea forward Aubameyang kir leh tur hian inrintawkna sa zawk a pek ngei a rinawm.
A khelhna apianga goal thun thei pawl ni deuh ziah Aubameyang hian AC Milan atangin bul a tan a. Europe-a club lian Borussia Dortmund, Arsenal, Barcelona leh Chelsea tan a khel tawh a. A tawnhriat tha tak hi Gabon tan hlawkpui tham a tling.