North Korean hruaitu, Kim Jong-un-a nupui chu kum khat emaw zet vantlang zinga hmuh tur a awm loh hnuah a inlan veleh ta niin an sorkar chanchinbu chuan a tar lang.
Ri Sol-ju hian a pasal hi Thawhlehnia a pasala pa leh an hruaitu hlui, Kim Jong-il-a piancham lawmna concert-ah a tawiawm.
Ri-i hi tun hma chuan thiltih liantham deuhvah chuan a pasal a zui ve ziah a, January atang khan hmuh tur a awm ngai tawh lo.
Hetia a inlan loh reng hi a hriselna lam a hniam deuh emaw, nau a pai emaw nia rin a ni.
South Korea-a National Intelligence Service erawh chuan an ram rorelna inah vantlang zinga Ri-i a inlan ngai rih loh chhan hi Covid-19 vang a nih an rin thu Thawhtanni khan an sawi a, a fate kiangah hun a hmang tam nia an ngaih thu an sawi.
Rodong Sinmun chuan Thawhlehniah hian an nupain Mansudae Art Theatre-ah hian an kal dun a, mipui pawhin an lo lawm hle niin an tar lang.
Thlalak velah pawh hlim takin an nui a, hmai an tuam lo va, mi dang nena inhlat pawhin tumah an awm lo bawk.