Lunglei Municipal Council (LMC) Chairman Lalzuitha- nga leh a thawhpui Councillor ten nimin khan Chief Minister Zoramthanga hmuin, LMC kal zelna atana pawimawh leh tul te an thlen a. LMC din a nih theihna tura theihtawp a chhuah avangin law- mthu an hrilh bawk.
LMC Chairman leh a thawhpuite chuan LMC-in Lunglei mipui tana hma an lak theihna turin hnathawktu an mamawh thu te, mumal taka LMC a kal zel theihna turin LMC Complex tur hmun mamawh a nih thu te Chief Minister hnenah hian an thlen a. Municipal council-in subject an neih hrang hrangte a taka thawh a nih theihna tura a kaihhruai sorkarin theihtawp chh- uahpui tur tein Chief Minister chu an ngen.
Chief Minister Zoramthanga chuan LMC Councillor atana thlan thar te chu lo lawmpuiin, duhsakna a lo hlan a. Bultan tur an nih avangin mamawh an neihah pawh inthlahrung lo tura lo hrilhin, a remchan dan ang zela sorkarin a puih tur thu a lo hrilh.
LMC Chairman leh a thawhpui Councillor te chu thil thar vek hmachhawn tur ni mahse, inzir chho zela, mawhphurhna tak tak an lak hunah chuan hlimawm an tih ngei a rin thu Chief Minister Zoramthanga chuan a lo hrilh a. Lunglei leh a chhevel tan hmasawnna tha thlentu an nih ngei a beisei tlat thu a lo hrilh bawk.
Nimin vek khan LMC Chairman leh a thawhpuite chuan UD&PA Secretary Lalmalsawma Pachuau bakah Planning leh Smart City CEO CC Lalchuangkima te pawh an hmu a. Vawiin lamah AMC an tlawh leh ang.